O GUERREIRO TRABALLADOR

    Hoxe estivemos traballando unha posición de yoga nova: o guerreiro ou si queremos o seu nome real VIRABHADRASANA. Os nenos e nenas xa sabían que había tres variantes, e xa estaban emocionados pensando en facer as tres variantes hoxe, pero so fixemos a número 1 porque estamos facendo probas con certos cambios nas sesións de yoga para estar máis cómodos e ver mellor a posiión do corpo, non esbarar no chan etc. e iso trae tamén certas complicacións, concretamente que perdemos un pouquiño máis de tempo.

    Explícovos: en primerio lugar todos empregamos o xel hidroalcólico cando imos para a aula de psico.

      En segundo lugar, estamos sacando o mandilón e o calzado para a práctica do yoga. Así eu vexo mellor como se colocan e podo axudalos a mellorar certas posturas. Agora eles xa teñen máis control corporal, máis equilibrio e resistencia que en cursos anteriores e podemos avanzar en certos detalles, Como sempre vos digo, estamos intentando moitas cousas, con interese, con dedicación e sin frustración, o que vai saíndo mellor é xenial, o que aínda nos sae non pasa nada porque cada un evoluciona ao seu ritmo e sempre haberá cousas que nos resulten máis fáciles e outras máis complicadas. Así é a vida,imos aprendendo a esforzarnos, pero asumindo que non se acada todo nun día, nin siquera nun ano.

    En terceiro lugar, volvín a empregar as esterillas porque certamente axudan a moitas cousas: marcan o espazo individual e así mantemos as distancias sin saír da esterilla, evitan que os pes esbaren no chan da aulaa de psico, supoñen un aillamento do frío da baldosa... pero a contrapartida é que teño que desinfectar cada esterilla cando rematamos unha sesión. Así mentres os nenos e nenas se van calzando e poñendo mandilóns, eu desinfecto as esterillas e doulle a volta para que ninguén volva colocar pes e mans onde os puxeron os compañeiros/as da sesión anterior. O chan tamén está perfectamente desinfectado porque temos unha persoa que cada día, durante toda a mañán está permanentemente fregando o chan deste aula, dos corredores e dos baños, co cal como ademais non estamos entrando nese espazo co noso calzado non estaríamos contaminado o lugar.

    En cuarto lugar, por suposto, practicamos coas ventás abertas para ventilar ben a zona da práctica.

    Todo isto fainos perder un pouquiño de tempo pero é importante tratar de cumplir certas normas de hixiene para evitar na medida do posible unha situación desagradable. Non estamos facendo un drama, simplemente estamos tratando de explicarlles aos nenos/as o que debemos facer por prudencia e por coidar a saúde colectica, e facémolo con total normalidade, sin darlle despois maior importancia.

    Tras estas aclaracións, aquí está Virabhadrasana 1. Asana significa posición. Virabhadra é o nome do guerreiro.

E aquí están os guerreiros da Pementeira.

     E agora ven a segunda parte do título da entrada de hoxe. ¿Por qué ese título de "guerreiro traballador"? pois porque podemos ser guerreiros, loitar co noso corpo e a nosa mente para controlar a concentración,  o equilibrio, a alineación pero tamén podemos traballar na aula para aprender un montón de cousas variadas, diferetes pero todas interesantes. Así que agora vos deixo cos traballadores da Pementeira.

                                  

 Por certo, para rematar, hoxe é o aniversario de DESMOND TUTU, un crego e pacifista sudafricano que loitou contra o apartheid e recibiu en 1984 o Premio Nobel da Paz. Hoxe quero facerlle unha pequena homenaxe desde este blog, xa que él fixo unha fantástica definición do termo UBUNTU, que dá nome ao noso proxecto anual. Dixo Desmond Tutu:

    "Unha persoa con UBUNTU é aberta e está dispoñible para os demáis, respalda ás demais e non se sinte ameazada cando outras persoas son capaces e son boas en algo, porque está segura de sí mesma xa que sabe que pertence a unha gran totalidade, que se sinte mal cando outras persoas son humilladas ou menospreciadas, cando son torturadas ou oprimidas"

    A ver si todos imos facéndonos un pouco máis UBUNTU, aprendemos a valorar as cousas boas que teñen os outros e tratamos de mellorar nós mesmos as nosas conductas, comportamentos, aprendizaxes etc. Hoxe un recordo para Desmond Tutu.