PRESENTACIÓN SOBRE SURICATAS E LOBOS

       Antes de nada xa aclaro que esta entrada ten moitas máis cousas que a presentación sobre suricatas e lobos. Pero como sei que aos pementeiros/as lles gusta moito verse nos vídeos, supoño que o que máis interese vai espertar vai ser o vídeo desta semana. Penso que entre a presentación sobre abellas e formigas e esta de suricatas e lobos, participaron todos os nenos e nenas da aula. Por suposto eu anímoos a que participen pero estou pedindo voluntarios porque sei que falar diante dunha cámara pode impoñer un pouco; de feito nótase moito na súa maneira de falar; cando me contan o que queren dicir antes de encender a cámara falan con máis soltura, con máis naturalidade e, en canto encendo a cámara, parece que lles entra un pouquiño de medo escénico. Pero estamos conseguindo concentrarnos nas explicacións, en recordar datos, en procurar pronunciar con máis claridade, en respectar turnos... en moitas cousas, así que hai que valorar positivamente todo o que están facendo estes nenos e nenas.

     En fin, antes de chegar a eso, máis cousiñas. Estes días estivemos facendo actividades impresas sobre os grupos de animais que dan nome aos noso grupos estables de traballo da aula:

    Así, ademais de aprender moitas cousas sobre animais, tamén imos reflexionando sobre os fonemas (sonidos) e os grafemas que lle corresponden (letras) e imos entre todos pensando como podemos ir escribindo as palabras que necesitamos para completar os espazos baleiros. Neste pequeno vídeo vedes que temos momentos de concentración, de traballo en clama, disfrutando da música  (recoñecedes a melodía que se escoita? a ver se algún pementeiro/a volo di porque lles gustou moito) A min encántame poñer música na aula e vouno conseguindo aínda que sexan momentos moi concretos. Espero que cada día o disfrutemos máis porque a música sempre é boa compañeira.

    Tamén temos tempo de xogar a moitas cousas (no chan, nas mesas, dentro, fóra...) Estou intentando traballar moito cuestións como a paciencia, a capacidade de concentración, a atención e observación, a capacidade de superar pequenas frustracións... Estou observando que, en xeral (e non estou de acordo con valorar a un grupo facendo xeralizacións, por suposto, pero partindo da base de que sempre hai excepcións e características personais en cada neno/a, hai outras cousiñas que casi todos teñen en común) son nenos e nenas moi impulsivos, que queren cambiar de tarefa en segundos (sobre todo cando se enfrentan a un reto), que deixan as cousas sin rematar, que teñen pouca paciencia e queren solucións inmediatas (si queren colocar unha peza dun puzle nun lugar e non encaixa, xa o deixan ou me piden que llo faga eu ou outra profe que esté na aula)... É normal que a estas idades sexan impulsivos e non se manteñan concentrados moito tempo no mesmo, pero tamén é moi certo que a capacidade de concentrarse nas tarefas se pode potenciar, por iso os puzles, os xogos de memoria e observación, os xogos de cartas e moitos outros xogos de mesa axudan a potenciar a paciencia, o pensamento, o razonamento lóxico, a superación de pequenos retos... Tamén é fundamental que aprendan a perder, que compitan consigo mesmos (antes de abandonar). 

   Outra cousa que percibo no grupo é que teñen que traballar moito coas mans, a motricidade fina require entrenamento por iso modelar coa plastilina, debuxar, colorear, recortar, xogar con pezas de ensartar, con xogos de enrosques é moi bo para os nenos e nenas de infantil (e vestirse solos, abotonarse, atar cordóns... cousiñas do día a día que teñen que ir facendo pouco a pouco). Xogar é moi importante e permite desenvolver moitas habilidades, e despois hai que recoller, organizar os xoguetes no seu lugar, coidalos (entender que son de todos e debemos tratalos ben e non rompelos). En fin, hai moitas cousas que se traballan na casa e nas aulas cando os peques xogan.

    Por certo, Martina trouxo unhas fotos sobre a súa excursión ás minas de ouro das Médulas. Cando nos contou a súa viaxe, eu díxenlle que si fixera algunha foto poderíamos vela todos xuntos e acordouse de traernos varias. E aquí Martina mostrándonos as imaxes e explicándonos quen ía con ela, e todo o que fixeron. ¡Xenial! ¡Grazas Martina!

     E, para rematar, aquí está anova presentación sobre suricatas e lobos da aula A Pementeira. Espero que vos guste. Eu penso que o están facendo moi ben. Aínda que temos mellorar un pouco a cuestión de controlar o ruído de fondo cando alguén está esforzándose en falar ante a cámara para compartir con todos vos o que imos aprendendo día a día. Eu estou moi contenta con que todos/as se animen a participar sin ningún problema, con toda normalidade. Agora teño outro obxectivo que é  lograr un pouquiño de silencio e calma mentres gravamos. Creo que o poderemos conseguir.